The dependent, independent and interdependent functions of the nurse practitioner--a legal and ethical perspective.

Die funksies van die verpleegkundige kan beskou word as synde afhanklik, interafhanklik en onafhanklik. Die tradisionele beskouing van die betekenis van veral die aflianklike funksie word egter bevraagteken vanuit die wetlike en etiese perspektiewe wat in Suid-Afrika geld. Omdat die verpleegkundige verantwoordelik en aanspreeklik is vir alles wat sy doen of laat is haar funksie slegs af­ hanklik van wat die Wet, wat haar praktyk rig, voorskryf. Die interafhanklike funksie verwys na die interafhanklikheid tussen die verpleegkundige, die pasiënt en ander lede van die gesondheidspan. Die verpleegkundige en die geneesheer is mede-verantwoordelik vir die welsyn van die pasiënt. Die onafhanklike funksie van die verpleegkundige het te doen met verpleegdiagnose, behandeling en sorg en die wyse waarop sy haar pligte uitvoer en daarvoor verantwoordelikheid aanvaar. Hierdie drieledige aard van die verpleegkundige se praktyk blyk reg deur die hele geskiedenis van die beroep.